عمرو مصطفى يفتح النار على رامي جمال وهذه رسالته لمنتقديه

دخل الملحن المصري عمرو مصطفى، في خلاف جديد مع زميله الفنان رامي جمال، رداً على تصريحات الأخير ببرنامج "حبر سري" والتي انتقد فيها دخول مصطفى حروب وصراعات مع زملائه في الفترة الأخيرة.

ونشر عمرو مصطفى على صفحته الرسمية بموقع التواصل الإجتماعي "فيسبوك" رسالة قال فيها: "هو انا أترككم تتعدوا بشكل غير قانوني على الحاني يعني، ولحن تم غنائه في برنامج علي الهواء خدته وعملت منه أغنية وصورتها وفي الآخر طالع تقول عليا نرجسي، نحن في زمن يصدق فيه الكاذب ويكذب فيه الصادق".

وتابع :"أقسم بالله لو شوفتك في أي مكان أنت وأشكالك لن تجدوا مني غير نظرة إحتقار، وإوعي تجري تسلم عليا زي ما عملت قبل كده علشان ههزأئك، وإوعي تجيب إسمي تاني في مكان علشان هقاضيك، أنت وكل اللي شبهك، مطربي الدرجة (الخامسة) زمن الرويبضة".

وتفاعل عدد كبير من رواد مواقع التواصل مع منشور عمرو مصطفى، وانقسمت أراء المتابعين بين مؤيد ومعارض.

ورد الفنان عمرو مصطفى على معارضى منشوره الأول بشأن الفنان رامي جمال ومنتقديه قائلاً :"أنا نرجسي، وأنا مغرور، وأنا منفصل عن زمايلي، وفي حالي ومش بكلم حد في الوسط".

وتابع: "ارتاحوا بقى وبطلوا تذكروا إسمي في كل مكان، اقعدوا إعملوا لجان في كل حته تطلع تشتمني، وبرامج مخصوص لمهاجمتي، كل ده لأني لازم أكون منافق وأشكر في ناس منافقة، علشان صورتي تكون كويسة قدام الناس، طيب أنا عايز صورتي تكون وحشة ارتاحوا بقى".

ودخل الملحن عمرو مصطفى، الفترة الماضية في خلافات ومشاحنات مع أكثر من شخص، وكانت البداية مع المنتج محسن جابر، وأسرة كوكب الشرق أم كلثوم، وآخرهم الفنان رامي صبري، قبل أن يتصالحا على الهواء خلال إحدى البرامج الإذاعية

الجدير بالذكر أن رامي جمال تحدث خلال حواره ببرنامج "حبر سري" قائلٱ :" في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟.

وتابع: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".

واختتم: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض.