زوجة حسن شاكوش تخرج عن صمتها : بيستغل القاصرات ويغدر بيهم

خرجت ريم طارق، زوجة حسن شاكوش عن صمتها وتحدثت من خلال حساب جديد لها على موقع التواصل الإجتماعي "إنستاجرام"، وفجرت فضائح بالجملة بحقه، متهمةً إياه باستغلال القاصرات.

وتحدثت ريم في فيديو عبر الحساب الذي افتتحته أخيراً على تطبيق "إنستجرام" قائلة : "لو طلّقتني عرّفني، علشان أقول للناس السبب اللي خلاك تخطبني وتقول عايز بنت الجيران اللي مابتسبش فرض... اللي سجدت شكر لله.

وتابعت:" أنا كنت متجوزة قبله في نوفمبر 2020 وانفصلت في شباط (فبراير) 2022، وهو سأل عليَ قبل الجواز وغنّى في فرحي القديم".

وأضافت:" لو سمحت أنا هدومي الشخصية عندك بتحتفظ بيها ليه؟ إنت ليه عايش في جو المؤامرة دا أنت مش محتاج، أنا كنت مُغفّلة، الحاجات كتير أوي ماتخصنيش، اللي يخصني إنك قولت إمبارح إحنا بنحافظ على ولاد الناس وقولت حاجات وأنا سكت، إنت ليه معترض إنك تدّيني حاجتي اللي عندك محتفظ بيها ليه؟".

وشرحت سبب ظهورها من حساب جديد وقالت: "سبب أني فتحت الأكاونت دا أني أعرف أرد عليه، وأول ما الموضوع يخلص هقفل الأكاونت، مش محتاجة شهرة ما أنا ممكن اتصور واتشهر، لكن لقب مرات المطرب دا عبء عليا، أتاري الناس عندها نظر أنا مكنتش عارفة... ركّز في اللي انت بتعمله عشان عيب أنت المفروض جيت وقعدت معايا في بيتنا، وأنا عملت لك كل حاجة، قلبت لي مجنون حاولت أعالجك، أنا مقصرتش معاك في حاجة وعمري ما كنت أستوعب الغدر".

وأكّدت ريم طارق أنها تلقت رسائل من فتيات كثيرات كشفن لها استغلال شاكوش لهن من خلال زواجهن به عرفياً واحتفاظه بعقود الزواج، وفق تعبيرها. وهّددت زوجها بكشف "عيب لا يمكن أي زوجة أن تتحمّله" فور انفصالها عنه".

وسبق وتحدثت ريم طارق عن أزمتها مع حسن شاكوش، مؤكدة  أنها ليست السيدة الأولى الذي استولى شاكوش على حقوقها، فمن قبل أخذ حقوق فتيات من الكويت وبعض الدول العربية، كما أكدت أن شاكوش قام بطرد والدها من مسكن الزوجية، أثناء تنفيذها حكم التمكين التي حصلت عليه مؤخرًا.

وتابعت زوجة حسن شاكوش:"أثناء تنفيذي لحكم التمكين أهله جمّ، وحسن شاكوش طرد والدي، وأنا باخد حاجتي، وامتنع عن تنفيذ حكم محكمة، قالهم تطلع على القسم ملهاش حاجة عندي، أمتنع عن أنه يديني حاجتي حتى لبسي، مش هينفع أبدًا كنت أعيش مع واحد هددني بالقتل".

أضافت زوجة شاكوش: أنا أتضحك عليّ في حلقة برنامج شيخ الحارة، قالولي اللي حصل دا فيلم وهزار، لكن كان حقيقي، وجالي حاجات كتير من البنات في دبي والأردن والتجمع، وفي بنات كلموني من برة، وشاكوش كتب أوراق عرفي على كوايتة، ومتاخد حقوقها، ممكن تكون متجوزتهمش رسمي، لكن  أنا تجوزتني عشان تداري على إيه؟، إيه الحاجة اللي كنت عايز تداريها يا شاكوش.

الجدير بالذكر أن فهد مرزوق، دفاع ريم طارق، كشف تفاصيل جديدة في أزمة ريم طارق ومطرب المهرجانات ،وذلك بعد صدور قرار بتمكينها من مسكن الزوجية وهو فيلا بالشيخ زايد. وقال محامي ريم طارق، إن موكلته على حكم من محكمة الأسرة يقضي بإلزام مطرب المهرجانات حسن شاكوش بدفع نفقة زوجية لزوجته ريم طارق قدرها 20 ألف جنيه شهريا، وصدر القرار عن محكمة الأسرة بـ 6 أكتوبر.