بعد مسرحية "ميمو" .. كيف علق أحمد حلمي على مقارنته بالزعيم عادل إمام

كشف الفنان أحمد حلمي، عن تفاصيل مشاركته في بطولة مسرحية "ميمو" التي طرحها في مصر ضمن موسم عيد الأضحى 2024، وشهدت نجاحاً وإقبالا كبيراً من الجمهور.

وقال أحمد حلمي في تصريحات صحفية: «الواحد في العيد دايمًا بيبقى عنده فيلم في السينما إنما الوضع مختلف السنة دي، الحقيقة أن مسرحية ميمو كان أول عرض لها في السعودية روحنا بيها في جدة والرياض والدمام وبعدين الطائف ولاقت نجاحا الحمد لله حلو جدًا».

وعن عودته للمسرح بعد غياب 23 عام منذ مسرحية «حكيم عيون»، قال:«أنا فعلًا من وقت مسرحية حكيم عيون لغاية النهاردة المسرح خد منحنى وقرب إلى الانقراض، وبدأ يرجع تاني في الكام سنة اللي فاتوا وبدأ يبقى فيه إقبال جماهيري، الناس بتحب المسرح واللي اختلف دلوقتي عن زمان التقنيات الحديثة والشكل المختلف وبقينا ممكن نتفرج على حاجات من الخدع اللي بتحصل في السينما جوا المسرح، فأتمنى نوصل إلى المستوى العالمي ده لأن ده الإبهار، لأن المسرح مش بس ضحك، المسرح ضحك وإبهار».

وأضاف: «اشتغلنا كوميديا مغلفة في رسالة المسرحية عن استخدام السوشيال ميديا، والفكرة دي جت أن أشرك الجمهور معايا في القرار، والقرار ده مش قرار درامي جوا رواية إذا كان البطل يسرق ولا يتوب، ده قرار أنا رميته في ملعبهم لأن في جزء منهم محتار في حياته زي حيرة البطل اللي هو استخدام السوشيال ميديا في حياتنا، والتصويت اللي بيحصل في الصالة مش حاجة ثابتة».

وعن مقارنته بالزعيم عادل إمام قال :"قدوتي في المسرح الزعيم عادل إمام، بالنسبة ليا يعني إيه مسرحية تقعد 7 سنين؟ وأقل مسرحية تقعد 5 سنين وفي مسرحية بتقعد 11 سنة، إزاي الجمهور مخلصش المفروض يخلص".

وعن إمكانية تقديمه مسرحية يستمر في عرضها لـ11 سنة كما حدث مع مسرحية "بودي جارد" لعادل إمام، قال أحمد حلمي: "مقدرش أقدم مسرح يقعد 11 سنة، دا رقم الزعيم محدش يجيي ناحيته، 11 سنة إلا يوم أقف على المسرح، 11 سنة دا الرقم القياسي بتاع عادل إمام محدش يقدر يكسره".

يشارك في بطولة مسرحية "ميمو" إلى جانب أحمد حلمي، هنا الزاهد، أحمد رزق، حمدي المرغني، محمد رضوان، رحمة أحمد، نور إيهاب، إنتاج كرافت ميديا، تأليف ضياء محمد، إخراج هشام عطوة.