التفاصيل الكاملة لبرنامج رامز جلال الجديد وأبرز ضيوفه

كشفت مصادر مطلعة، قائمة ضيوف برنامج رامز قفل اللعبة 2024 بالإضافة إلى تفاصيل المقلب، الذي يقدمه الفنان رامز جلال في موسم رمضان المقبل 2024.

وأكدت المصادر أن البرنامج يحمل عنوان "رامز قفل اللعبة" مضيفة : الضيف وهو رايح البرنامج بيبقى عارف إنه برنامج مقلب رامز جلال، بس مش بيبقى عارف طبيعة المقلب، ورامز جلال بيظهر بشخصيته الحقيقية.

وحول ضيوف برنامج رامز قفل اللعبة قالت المصادر : المقلب هيكون عبارة عن اتنين في بينهم منافسات أو خناقة، زي ما هنشوف حلقة فيها مي عمر مع نجلاء بدر، محمد الشرنوبي مع سارة الطباخ، حسن شاكوش مع طليقته ريم طارق، نسرين أمين ويسرا اللوزي، هدى المفتي وأحمد مالك، سمية الخشاب وأيتن عامر، مها أحمد وفادي خفاجة.

وتابعت : هنشوف حمدي الميرغني ومراته، كهربا مع عبد الله السعيد، إمام عاشور مع أحمد حسام ميدو، ونش وعبد المنعم، وهنشوف نجوم كورة كتير جدا، برنامج رامز السنادي كمان فيه إصابات كتير وأقل إصابة هتبقى كدمات متفرقة في الجسم، وعرفت إن مها أحمد اتصابت بإصابة كبيرة جدا في رجلها وشيرين رضا وسمية الخشاب

كما كشفت المصادر تسلسل مراحل مقلب رامز جلال: اللي هيحصل إن لما الضيف بيوصل رامز بنفسه بيستقبله، وهو بيتكلم مع الضيف، الضيف بيقع في زحليقة فيها ماية مش نضيفة ثم يلاقي تمساح وكلب شرس جدا وبعدين يلاقي الضيف التاني اللي معاه في الحلقة.

ويصور الفنان رامز جلال برنامجه المقالب الشهير في مدينة ملاهي شهيرة بدولة الإمارات، ومن ضمن هذه الألعاب أكوا بارك وبيت الرعب، ومن المقرر عرضه طوال شهر رمضان المقبل 2024، عقب أذان المغرب على شاشة قناة MBC مصر.

في السياق أكدت مصادر مقربة من الفنانة سمية الخشاب أنها وقعت في فخ مقلب رامز جلال ببرنامجه، الذي يحمل اسم رامز قفل اللعبة، والمقرر عرضه في موسم رمضان المقبل 2024، وأشار المصدر إلى أن الفنانة سمية الخشاب تعرضت للإصابة خلال تصويرها حلقتها مع رامز جلال.

وتواصل سمية تصوير باقي مشاهد مسلسلها بـ 100 راجل تمهيدًا لعرضه في موسم رمضان المقبل 2024، وذلك بالرغم من تعرضها لكسر في القدم في برنامج رامز جلال.