بعد حلقة رامز جلال .. مي عمر تتصدر الترند ومتابعون : مسلسلها هو الحصان الرابح في رمضان

تصدرت الفنانة مى عمر، مؤشر البحث جوجل في مصر بعد أن عرضت قناة mbc مصر الفضائية، حلقة اليوم من برنامج " رامز جاب من الآخر".

خلال الحلقة، طالبت مي عمر، بوقف البرنامج وعدم إستكمال تصويره، بعدما تفاجأت بوجود الفنانة نجلاء بدر، والأسئلة التي وجهها لها رامز جلال عن زوجها محمد سامي وأسباب خلافه مع نجلاء بدر.

وبعدها وافقت مي عمر، على إستكمال البرنامج بعد تهديدات من رامز جلال بمقالبه.

وتصدر اسم مي عمر الترند أيضاً بعد عرض الحلقة الثانية  من مسلسل "نعمة الأفوكاتو"، ضمن سباق الماراثون الدرامي الرمضاني.

وتداول رواد مواقع التواصل الإجتماعي مقاطع من المسلسل، فيما أكد البعض أن "نعمة الأفوكاتو" هو الحصان الرابح لرمضان هذا العام، على الرغم من أن الحكم على العمل ككل لايزال مبكراً.

في السياق، كتب المخرج مجدي الهواري على صفحته الشخصية على موقع التواصل الإجتماعي "فيسبوك" : ما شهدته الي الآن، من أصعب وأحلى الشخصيات النسائية في التمثيل، اللي شوفتها لحد دلوقتي  في رمضان هي شخصية "نعمة أبو علب" في مسلسل نعمة الأفوكاتو".

وتابع الهواري :" والله أنا بقول للممثلين الكلام ده ! وأخيراً لقيت حد يسمع الكلام ! أو علشان لا أظلم أحد، ده ذوقي يمكن في التمثيل".

وأضاف :"رغم أنها تبدو سهلة وبسيطة ولكنها شخصية مركبة ومتناقضة في نفس الوقت، يعني سهل ممتنع، من الآخر زي محمد صلاح في الكورة تحس أنه مش بيعمل حاجة وهو بحرفنه بسيطة بيعمل كل حاجة، بس انت لاعبه لوحده من غير ماتشوشر عليه بلعيب تاني  local".

واستكمل :" لازم يكون الممثل اللي يعملها و بالحلاوة ديه يكون بيتفرج علي المسلسلات كتييييير عالمية و الإسباني تحديداً لأن هما الموضة دلوقتي في التمثيل،ولازم بعض الممثلين يشتغلوا علي نفسهم ويشوفوا الموضوع رايح فين في العالم كله".

واختتم :" برافو مي عمر وبرافو محمد ساميّ  وطاقم العمل وشكراً مها سليم على الإنتاج اللي متعوب عليه ده، التمثيل مش حزق ولا افراط في الانفعالات، واللي  هيقولي انت مستعجل، أقوله الجواب بيبان من عنوانه 
ونعمة الأفوكاتو هيبقي من  ال top 5 في رمضان".
 
كما أشادت الفنانة منة فضالي بالمسلسل، وكتبت:" حقيقي مي عمر شابوه أكتر من رائعة نعمة الأفوكاتو شخصيه صعبة وحقيقي عملها تحفة، والأستاذ محمد ساميّ ملك الدراما حقيقي، 
الأستاذة مها سليم إنتي فعلا ب ١٠٠ راجل شكراً على العمل الممتع ده".

في سياق متصل، كشف المخرج محمد سامي تحضيرات مسلسل نعمة الأفوكاتو: وقال مي عمر كانت بتاكل يومياً عيش ومربى و تتخن عشان نعمة الأفوكاتو.

كما علق سامي على انتقادات دعمه المستمر وحبه لزوجته مي عمر، وعمله معها قائلاً : مي بتخلي حياتي مستقرة، وبتدعمني جداً عشان أنجح، وهي صديقتي صاحبة الرأي الصادق”.

وتابع سامي قائلًا: “ نعمة الأفوكاتو من أحسن المسلسلات اللي أنا عملتها، وأنا كتبت المسلسل وعرضته عليها وهي صاحبة إضافة أن نعمة تكون من الطبقة الاجتماعية دي، ومي بتاكل غيرنا لأنها مينفعش تزيد جرام فالطبيعي، لكن في المسلسل لقيتها بتاكل عيش ومربى وحاجات غريبة عشان تتخن، وتقولي نعمة عايزة كده لأنها من مشغوليتها مش مهتمة بجسمها، وبعد ما خلصنا قلبت البيت چيم ورجعت تاني للرياضة واتغيرت خلال 3 اسابيع.