من أمام الكعبة... ميرهان حسين توجه هذه الرسالة إلى أصدقائها (صور)

شاركت الفنانة المصرية ميرهان حسين صورة لها، وهي تؤدي مناسك العمرة في مكة المكرمة، وأرفقتها بتعليق هاجمت فيه من ينكرون وجود الله.

وكتبت ميرهان على الصورة: "مع إنّ الصورة دي من أحب صوري لقلبي... ترددت أنزّلها... أوّلاً خفت إنّ دا يأثر على ثواب حاجة بيني وبين ربّ العالمين، ثانياً عارفة إنّه في ناس سطحية كتير هايكتبوا كومنتات كلها إيه يا طاهرة إيه يا ست الشيخة ويعملوا فيها إنّهم ما بيغلطوش أبداً وجايين يحكموا على ناس زيهم أحكام هبلة وخلاص وهمّا ميعرفوش اللي بينك وبين ربنا ولا عمرهم هيعرفوه".

 ميرهان حسين: أنا حقيقي معرفش إزاي في ناس بتلحد وتنكر وجود ربنا ـ والعياذ بالله ـ وفي منهم أصحاب ليّ وناس بقابلهم ومع حبّي ليهم بس بقولهم فايتكم أعظم حاجة في الوجود

وأضافت: "بس قولت لأ مش همشي ورا الفكر دا، وهنزّل صورتي اللي بحبها عشان فيها ذكرى وجودي في أطهر بقاع الأرض وأنا ضيفة في بيت الله الحرام وبحتفل فيها بنعمة من أكبر النعم هي نعمة إنّه ليّ رب عظيم اسمه الكريم اللي ممكن أطلب منه أي شيء ومفيش حاجة كبيرة عليه (إنّما أمره إذا أراد شيئاً أن يقول له كن فيكون)... نعمة وجود ربنا في حياتنا أكبر من كل النعم"، وفق ما أورده موقع "العين" الإخباري.

وتابعت: "أنا حقيقي معرفش إزاي في ناس بتلحد وتنكر وجود ربنا ـ والعياذ بالله ـ وفي منهم أصحاب ليّ وناس بقابلهم ومع حبي ليهم بس بقولهم فايتكم أعظم حاجة في الوجود أنّه يبقى ليك ربّ قادر على تحقيق كلّ اللي يتمناه قلبك ويسرح فيه خيالك، ربّ أكبر من كل كبير هو الأمان في الدنيا دي و(كلّ من عليها فان)".

يُذكر أنّ  آخر أعمال ميرهان حسين كان مسلسل "نقل عام"، من إخراج عادل أديب، وبطولة محمود حميدة، وسوسن بدر، وسميحة أيوب، وأحمد بدير، ودينا، ومحمد محمود عبد العزيز، ومحسن محيي الدين، وإيمان أيوب، وغيرهم.