مكسيم خليل ينعى حاتم علي بكلمات مؤثرة

نعى الفنان السوري مكسيم خليل صديقه الراحل المخرج السوري حاتم علي، بكلمات مؤثرة نشرها على صفحته الشخصية في موقع "فيسبوك".

صرّحت نيابة قصر النيل في مصر بدفن جثة حاتم علي، بعد أن توصلت تحريات المباحث إلى أنّ الوفاة كانت طبيعية وناتجة عن أزمة قلبية، نافية وجود شبهة جنائية بالحادثة
 

ونشر مكسيم خليل صوراً من تشييع جثمان الراحل بين عدد ضخم من الحشود، وعلّق عليها قائلاً: 

"على كفوف الراحة..

شفتك اليوم بالمنام ..ما بعرف كنت عم تودعني ..أو عم تستقبلني ..

عانقتني بدفى الدنيا ..كنت عم تواسيني ..

ما بعرف عم تواسيني فيك او عمتواسيني فينا..

بس كنت مرتاح حاتم ... وشك مرتاح كتير..

بعمري ما شفته مرتاح لهالدرجة..وابتسامة رضى فيها رضى الكون..

(شكراً حاتم..الله معك حاتم)

(ياحاتم وين رايح تروح يا حاتم فتحت الجروح)

هيك استقبلوك اهلك الطيبين..

على كفوف الراحة حملوك اخواتك وولادك يلي ياما حملتهم.. وحملت قصصهن وبيوتهم..

هيك وصّلوك أهل الوفا بلا خوف لبيتك الأبدي بأرض الشام..أرض وطنك..

شفت الحب؟؟ شفت الدفى؟؟

يلي متلك هنن بيكسبوا الرهان الأبدي بهي الحياة.. يلي بلامس هموم الناس ..يلي بيحترم ذكاءهم..يلي بينتصرلهم ..رح ينتصروله..

لهيك كنت مبارح ابوهم واخوهم و ابنهم و استاذهم وشهيدهم وأميرهم ..

كل واحد شاف خساراته فيك وشاف احلامه فيك..مشّونا كلنا معك بكل لحظة..فتلنا الشام معك..

حلوين اهلنا ..طيبين اهلنا ...مكسورين اهلنا..

بس كبار اهلنا .. بقدّروا الذهب العتيق..

وبيعرفوا المغشوش..وكلمتهم بقولوها ..

بهيك لحظات..

هي الناس هي يلي بتكتب التاريخ الحقيقي..

وهي يلي بتصنع الخوف والقلق الحقيقي ..لكل شي مو حقيقي..وبتهزه اكتر..

ليك نام وانت متطمن ياحبيبي و..(شكراً حاتم)".

وختم الفنان السوري منشوره بوسم "شكراً حاتم علي" و"أمير المخرجين حاتم علي".

اقرأ أيضاً: حاتم علي يرحل قبل أن يؤرخ للتغريبة السورية

يشار إلى أنّ نيابة قصر النيل في مصر برئاسة المستشار أحمد صفوت، صرّحت بدفن جثة حاتم علي، بعد أن توصلت تحريات المباحث إلى أنّ الوفاة كانت طبيعية وناتجة عن أزمة قلبية، نافية وجود شبهة جنائية بالحادثة.