بعد فقدان حلم الأمومة .. حورية فرغلي: الجمال لا يدوم والزواج والإنجاب أساس الحياة

طمأنت الفنانة المصرية، حورية فرغلي، جمهورها ومتابعيها على حالتها الصحية، بعد خضوعها مؤخرًا لعملية استئصال الرحم، بعد اكتشافها وجود 9 أورام خبيثة بالرحم، الأمر الذي اضطرها لاستئصاله حتى لا يتفاقم الأمر.

وقالت حورية في تصريحات صحفية :" صحتي أحسن بكتير،  أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي".

وتحدثت حورية عن الفنانات اللواتي يسألن عنها باستمرار فقالت :" أبرزهن الفنانة نبيلة عبيد وصفية العمري وميرفت أمين، قائلة: ميعروفونيش ومشفونيش قبل كده، ولكن بيكلموني كل يوم لإنهم حسوا بالمأساة دي".

ووجهت حورية فرغلي نصيحة للفتيات قائلة: الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها، ولو رجع بيا الزمن هتجوز للإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر".

وعن مشهد الأمومة في مسلسل حكايات بنات، وهي تمسك بابنة صديقتها عقب ولادتها مباشرة، قالت: عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي".

وأضافت حورية فرغلي:" الاستقرار وبناء حياة كاملة من زواج وإنجاب هو أهم مايجب أن تنتبه إليه جميع الفتيات، فالعائلة والأسرة هي الباقية في النهاية ".

يذكر أن الفنانة حورية فرغلي استنكرت اتهامات البعض حول علاقتها بمطرب المهرجانات حسن شاكوش وقالت في تصريحات صحفية :" والله عمري ما شفت حسن شاكوش ولا أعرفه شخصيًا، تابعت تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص، ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هرفع قضية تشهير".