رانيا يوسف لا أمانع الزواج للمرة الرابعة... وهذا رأي بناتها

قالت الفنانة رانيا يوسف إنّها لا تمانع من الزواج للمرة الرابعة، مشيرة إلى أنها يمكن أن تقع في حب حبيب صديقتها السابق بعد انفصالهما.

وأشارت رانيا يوسف إلى أنّها تحظى بتشجيع من ابنتيها على خوض تجارب عاطفية جديدة، وقالت في تصريحات تلفزيونية: "اتجوزت (3) مرات، وأول زيجة هي الأنجح بالنسبالي، إنّما الاتنين الباقيين مكنوش ناجحين، ولسه عندي أمل في الزواج تاني، وبناتي مشجعيني إنّي أجرب تاني، وعلاقتي بأبو بناتي مش كويسة خالص، وكنت أتمنى إنّنا نفضل صحاب" حسب ما أوردت مجلة "سيدتي".

رانيا يوسف: بناتي مشجعيني إنّي أجرب، ولو رايحة معاد مع شخص هما اللي بيختاروا لبسي

وأضافت: "بناتي شجعوني إنّي أجرب الزواج تاني، وممكن أتجوز للمرة الرابعة"، مضيفة: "ممكن أحب زوج صاحبتي في حالة انفصالهما، ووارد أحب حبيب صاحبتي السابق، بس على حسب هما منفصلين بقى لهم قد إيه، لو من فترة طويلة ما عنديش مشكلة، وصاحبتي أول واحدة هعرّفها، ولو منفصلين من قريب مش هفكر فيه، لأنّ الدنيا ما بتقفش على حد".

وفي سياق آخر، تابعت الفنانة رانيا يوسف حديثها بأنّ ابنتيها هما من تختاران لها ملابسها، قائلة: "بناتي مشجعيني إنّي أجرب، ولو رايحة معاد مع شخص هما اللي بيختاروا لبسي، وهما شوية منفتحين في اللبس، وأنا بحب ألبس اللي يليق عليّ، سواء قصير أو طويل أو مفتوح أو مقفول على حسب".