خلال تقديمه نصائح للشباب… تامر حسني يكشف حلمه القديم

نصح الفنان تامر حسني الشباب بضرورة وجود خطة بديلة لأحلام حياتهم، حتى لا ينهار مستقبلهم بعد فشل الحلم الكبير، لافتاً إلى أنّه كان يحلم باحتراف كرة القدم، ولكنّه فشل في كل الأندية، فلجأ إلى الحلم البديل وهو احتراف الغناء.

وكتب تامر حسني منشوراً عبر حسابه الرسمي بموقع التواصل الاجتماعي "فيسبوك،" قال فيه: "قرأت معظم التعليقات على قد ما قدرت على آخر بوست ليّا اللي تحت ده، وفهمت أكتر حاجتين من تعليقاتهم عاملين إحباط لمعظمكم؛ أولاً اليأس من النجاح، وثانياً إحباط المقربين".

سبق أن طلب تامر حسني من متابعيه مناقشته بقوة في نصائحه المقدمة إلى الشباب، مؤكداً أنّه يقدّمها من واقع تجربته ومشواره الفني الطويل وخبرته مع الحياة.

وأضاف تامر حسني: "بعضكم واصل لفقدان الأمل والشغف، وبعضكم فاقد الأمل في الحياة نفسها، هطلب طلب منكم قبل أيّ شيء افتكروا معاناتي في بدايتي وظروفي الصعبة من غير أب ومن غير أي فلوس، وبنزل أشتغل في الشوارع من عامل بنزينه لسوبر ماركت لفاعل، يعني اللي بيبنوا العمارات بطلع طوب وإسمنت، عشان أرجع بيتي لأمي الغلبانة بأي (5) جنيه، بالإضافة لمرتب النادي لما كنت بلعب كورة، وكان مرتبي (22) جنيه في الشهر، منهم بقى تحويشة المياه والكهرباء وعمليات أخويا، عشان كان عيان لفترة كبيرة، كنت بعمل المستحيل فعلًا عشان أمي وأخويا، وعشان أوصل لهدفي".

وتابع: "كان جوايا سعي دائم لطريقين؛ الكورة والغناء، وبقول ده عشان ناس كتير عايز أنصحها بالخطة البديلة، عشان لو الحلم مجاش يكون في غيره، زي ما أنا كان نفسي أبقى لاعب كورة، والكورة مش ليّا، والأندية كلها مشوني، رغم تفوقي كنت بسأل نفسي ليه الأبواب كلها بتتقفل في وشي، أتاريها بتتقفل عشان توجهني لمسار آخر، ولما آمنت بكده فهمت قدام إنّ ربنا كان شايلي الأحسن ليّا، بس ساعتها مكنتش فاهم".

وواصل: "اللي بيسأل نفسه دلوقتي يعني أنا أكمل في حلمي، ولا أشوف حلم تاني، هقول له دايماً اطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكد لك تكمل أو لا، بس اجتهد واتعب عشان المجهود ده لي كرم متحوشلك في مجالك التاني فأوعى تقول تعبت على الفاضي".

واختتم تامر حسني حديثه: "بالنسبة للمحبطين هيفضلوا موجودين أنت اللي بتسمعلهم، وأنت اللي بتسمح أنك تتأثر بيهم، امنع ده فوراً، متبقاش السبب في أذية نفسك، متتشدش غير لكل جميل ولكل إيجابي، هتلاقي كل الحلو بيجيلك، ومتعملش العكس عشان هيجيلك برضو، عشان كده بقولك أنت السبب دايماً قول يارب واجتهد وافهم أنّ الراحة المطلقة في الجنة بس، وإحنا على الأرض، وربنا قال إنّه خلقنا في كبد، يعني شقاء، عشان يكون عندنا تحدّي نكسبه ولازم نكسبه، عشان كتير قبلينا كانت ظروفهم أصعب ووصلوا، يبقى الموضوع فينا، متبقاش أكبر عدو لنفسك، أنت السبب، خد قرار صارم فوراً في التغير والنهوض والنجاح، والله هتوصل، متسمعش غير لقلبك، وسلم قلبك للّي خلقه، وتوكل على الله".

اقرأ أيضاً: بالفيديو... تامر حسني يطرح أغنية "رمضان كريم" بمشاركة أطفاله

وسبق أن طلب تامر حسني من متابعيه مناقشته بقوة في نصائحه المقدمة إلى الشباب، مؤكداً أنّه يقدّمها من واقع تجربته ومشواره الفني الطويل وخبرته مع الحياة، ولكنّه لا يريد أن يقدّم النصائح ويكتفي الشباب بتلقيها، وإنّما يسعى للنقاش معهم لمعرفة أفكارهم والاطلاع على حقيقة مشاعرهم، وأكد أنّه جاهز للرد على أيّ سؤال من أيّ متابع.