آمال ماهر : تعاون فني جديد يجمعني بالمستشار تركي آل الشيخ وهذه حقيقة اختطافي وتعذيبي!

تصدرت المطربة آمال ماهر، ترند مواقع التواصل الاجتماعي خلال الساعات الماضية، بعد تصريحاتها الأخيرة التي أكدت فيها إنّ قلق الناس عليها في الفترة الماضية أسعدها لأنه أمر أكّد حب الجمهور لها.

وأضافت خلال مقابلة مع برنامج «الحكاية» الذي يُقدمه الإعلامي عمرو أديب، عبر شاشة «mbc مصر»، وعُرضت مساء الجمعة: «أنا بخير واللي اتقال عني كانت مجرد شائعات زي شائعات بتحصل في الوسط الفني.. في حاجات بترد وحاجات بتقول اللي يقول يقول».

وأضافت: «مرضي وتعبي أجّل إني أقول للناس إني كويسة.. اتقال عليّا حاجات كتير زي مخطوفة واتجوزت.. واتخضيت على نفسي لما قالوا عليّا كدا».

وأشارت إلى أنها ظنّت أن الأمر سينتهي سريعًا، لكن مثل هذه الأقاويل زادت بشكل كبير، موضحة أنّها نشرت صورة لها في محاولة لطمأنة الجمهور لكنّ الأمر لم ينتهِ.

ولفتت إلى أنها قليلة الظهور على وسائل الإعلام أو منصات التواصل الاجتماعي، موضحة أنها كانت في تلك الفترة مصابة بفيروس كورونا، وواجهت شبه اختناق بسببها.

وتابعت: «حاولت أطمن الناس وأقولهم مفيش أي حاجة.. كورونا كانت مدمراني ولو كنت طلعت كانوا قالوا فعلا دي متعذبة».

وأشارت إلى ظهورها في مقطع فيديو لطمأنة الجمهور عليها، متابعة: «لما طلعت دقيقتين قالوا مش هيّ ومش في بيتها».

واستكملت: «أنا بخير ومحصلش ليّا أي حاجة.. لا اتخطفت ولا اتعذبت.. لما تتصاب بكورونا بتختفي واستغربت إن الموضوع أخد أكبر من حجمه».

وتابعت : أنا اتخضيت من كتر الناس القريبين اللي برد عليهم ومش مصدقين إني أنا اللي بكلمهم، كنت بتمرن وبروح الجيم ولما تعبت وبطلت أروح قالوا دي مخطوفة".

وأوضحت آمال ماهر إنها حرصت على طمأنة جمهورها على حالتها الصحية، وإنها بخير خاصة بعد انتشار شائعة اختطافها، وخرجت في فيديو صوت وصورة لمدة دقيقتين، لكن البعض اعتقد أنها ليست هي.

وعلقت "آمال" على التطور بالمملكة قائلة: "أنا سعيدة جدًا جدًا جدًا باللي حاصل في المملكة، أنا كمصرية عربية سعيدة بالتطور الفظيع اللي حاصل لأن ده تطور للوطن العربي بالكامل، فعارف لما تكون فخور بحاجة عندك في وطن عربي ده بيحصل عندك في منطقة عربية عندك، شيء يخليك فخور وفرحان ان فعاليات عالمية بتحصل على أرض عربية فدى حاجة بصراحة كلنا متشرفين بيها".

واستكملت: "كل حاجة الصراحة من أدق أدق التفاصيل حاجة ضخمة شوفنا توليفة وتركيبة وفورمات جديدة، وأكتر حاجة عجبتني بصراحة لو قولت لك على حاجة واحدة أكون كدابة، حاجات كتير عجبتني التنظيم، الشكل، الحاجات الغير متوقعة اللي حاصلة هناك، حاجة الصراحة الواحد فخور بيها".

وتطرقت آمال ماهر للحديث عن علاقتها الفنية بالمستشار تركي آل الشيخ رئيس الهيئة العامة للترفيه بالمملكة العربية السعودية، وعن رأيها في فعاليات "موسم الرياض" قائلة : "لو قولت لك على حاجة واحدة عجبتني أكون كدابة، حاجات كتير عجبتني التنظيم، الشكل، الحاجات الغير متوقعة اللي حاصلة هناك حاجة الواحد الصراحة فخور بيها".

وعن علاقتها الفنية بالمستشار تركي آل الشيخ قالت: "والله كان عندنا علاقة فنية وكان عندنا نجاحات كتير جدًا وان شاء الله بإذن الله يحصل نجاحات قادمة، وكان بينا أغاني ناجحة جدًا".